Peba Aurok ko
Ebidodo am download ae jet peba ko elabtata kõjerbali im kwõnaj aikuj ilo ien am kõjerbal Mejin in Lak eo.
Ñan Melele kin Mennin Aikuj ko relablok ikijen am Loor Kakien ko an Burokraam in, jibed ijin.
Am jibede link in enaj boklok kwe ñan bar juon peij ilo Kajin Belle.
Bideo in Katak kin Mejin in Lak eo an Wa ilo Wa eo Waam
Woñmaanlok wõt ñan Jekjen
Kakien kin Jolok Lak ilo Mejin in Lak eo an Wa
Ñe kwõjab etal ñan ien eo emõj karõke ñan aer kõmmane mejin eo ak kwõloe juon melele kwar ruprup kakien, kwõnaj aikuj boklok Mejin in Lak eo an Wa am ñan jikin eo an Smart Start. Ñe kwõjab boklok bwe ren kõmmane Mejin in Lak eo an Wa am iloan ien eo emõj kwalok ilo mejan Mejin in Lak eo an Wa, mejin eo enaj Permanent Lockout (Lak ñan Indeo) Ilo wāween in, kwõj aikuj loloorjak aer atake wa eo waam ñan jikin eo renaj kõmmane – kwõnaj aikuj make kolla wonnen in.
Ñan am jab kollaiki wonnen in, kwõmaron naj kõjerbal juon Kakõlle in Lak an jidik ien einwõt juon kein jibañ ej lewaj bar ien ñan am boklok bwe ren kõmmane mejin eo am.
Am jibede link in enaj boklok kwe ñan bar juon peij ilo Kajin Belle.
Peba in Ripoot Jorrāān eo an Smart Start
Kõjerbal peba in ñan kajjitõk kredit ak an rool waj wonnen lak ko, ñe ejab ñan kajjitõk kredit ak an rool waj wonnen aer kar atake wa eo (aikuj wõr rijit).
Am jibede link in enaj boklok kwe ñan bar juon peij ilo Kajin Belle.
Kajjitõk ko Rekut kin Mejin in Lak eo an Wa
Eñin ej jet kajjitõk ko elabtata kajjitõki kin Mejin in Lak eo an Wa im kwõnaj loi, im ejellok kõmelele ko rekapokpok. Jikin Jibañ Customer ilo elõñ kajin ko roktak ilo Smart Start ebar bojak in uwaake kajjitõk ko am 24 awa ilo juon raan, 7 raan ilo juon wiik. Kwõmaron tõbare er ilo (800) 831-3299.
Ta eo enaj walok alikin aõ bõke DUI/OVUII eo aõ?
Ilo Hawaii, emõj ajeje jaj ko an DUI/OVUII ñan ruo mõttan ko: kõmadmõdin ien roñjak ko ibben Administrative Driver’s License Revocation Office (Opij eo ej bõk eddoin kabõjrak laijen, ADLRO) im madmõd ko ikijen ruprup kakien ko relab ibben juon jāj. Remaron kabõjrak laijen eo am ikijen kõmadmõd im/ak ruprup kakien elab. Emelim wõt am kattõr kin juon laijen eo emõj kabõjrak ñe kwõnaj kõlāk juon Ignition Interlock Device (Mejin in Lak eo an Wa, IID) emõj kõmelim ilo wa eo kwõj kattõre ekoba an wõr juon peba in Ignition Interlock Permit (Kõmelim Mejin in Lak eo an Wa, IIP) emõj kamool im juon ID in state eo an Hawaii emõj kamool. Kwõmaron kebaak Smart Start ñan am jino madmõd ko ñan am bar bõke melim in kattõr ko am.
Ta eo ij aikuj boklok ñan ien aer kõlāke mejin eo?
Ilo ien eo emõj am kõlaajrake raan eo renaj kõlāke Mejin in Uuk eo an Wa am ibben Smart Start, kwõnaj aikuj boktok melele kein laajrak ñan ien emõj kõlaajrak an kõlāk Mejin in Uuk eo an Wa am:
- Rup kain pija in kwalok woñ kwe (einwõt, ID an state, ID an military, passport, ID an rijerbal, bar juon)
- Kamool jikin jokwe (mennin emaron juon peba ej kamool atorej eo am, einwõt juon peba in wonnen jarom)
- Kolla eo ñan kõlāke mejin eo im leij eo am ilo allõñ eo kein kajuon enaj etal ilo jāān, Visa, ak MasterCard (Smart Start of Hawaii ejab ebõk jek)
Ta ko ij aikuj bar boklok ñan Opij eo ej bõk eddoin kabõjrak laijen ālkin ien eo emõj an elāk mejin eo aõ?
Ilo ien eo emõj am kadedelok an elāk mejin eo ilo jikin eo an Smart Start im ebaak tata ñan kwe, kwõnaj aikuj lelok juon kabe in bujen in kõlāk eo an Mejin in Lak eo an Wa (IID) ijen ibben Smart Start ej kwalok kamool kin an kar elāk mejin eo. Kwõnaj aikuj bar lelok ñan Administrative Driver’s License Revocation Office (Opij eo ej bõk eddoin kabõjrak laijen, ADLRO) injuran in wa eo an torre in im emõj kamool im kadedelok juonablikajon eo ñan Ignition Interlock permit (peba in kõmelim Lak an Wa, IIP) ADLRO enaj etale ablikajon eo am im lewaj peba in kõmelim Mejin in Lak eo an Wa am ñan am kattõr elañe kwõmaron tõbrak.
Ewi wāween aõ jela ñe mejin ko an Smart Start rej loor kakien ko an burokraam eo aõ?
Smart Start ej jikin eo de eo emõj kõmelim an letok Mejin in Lak eo an Wa ilo state eo an Hawaii Im bareinwõt, mejin ko amim emõj kamool jen ibben National Highway Traffic Safety Administration (Opij eo ej kõmadmõde kakien ko rej kejbarok Wa ko ilo Ial ko Relab Ibelakin Aelon eo, NHTSA)
Ewi wāween aõ maron katak wāween eo ejimwe ñan kõjerbale mejin eo aõ?
Aoleb ien kwõmaron jibañ rijerbal ro rejouj ñan aer lewaj kõmelele ilo ien aer kõlāk mejin eo. Kwõmaron bar loe bideo in katak ko online ewõr kõmelele kin kajojo bunten ko ñan am kõjerbale IID eo am ilo webpeij in.
Ta melelein naan ko rej walok “Blow Harder,” “Hum Stronger,” “Blow Softer,” “Don’t Inhale,” im naan ko jet?
“Blow harder” ej melelein ke jaambol in kõto eo kwar uuki ekkar jab bwe an aitok ñan an teej eo am bõke. “Hum stronger” ej melelein emaron kar lab an rumij ak lab an mõkaj am hum. Emaron bar melelein ejab bwe an kajur hum eo am ñan an mejin eo bõke. “Blow softer” melelein jaambol eo ear uuki elab an kajur. “Don’t inhale” melelein ke kwõmaron kar emmenono ilo an tiem kar bed wõt torerein jikin eo kwõj likūt loñim, innem edeloñ kõto iloan mejin eo. “Abort tamper” melelein kwar kõbenjake jikin an deloñ diwõj kõto itulikin IID eo am ilo ien am uukuuk. “Mouth closer” melelein kwõnaj aikuj kabin am jibwe Mejin in Lak eo an Wa ñan loñim ñan an mejin eo jab emakūt ilo ien am uukuuk. Ñan am kõtõbrak teej eo am, kwõnaj aikuj jab ukõt joñan am ukuk ilo aoleben ien teej eo am. Kejbarok joñan am uuk im hum eo am bwe ren joñan wõt juon ilo ien teej eo. “Abort lock” ej melelein emõj am le jen joñan bõjrak ko emõj kõmelim iomwin 15-minit im kwõnaj aikuj kattar mae ededelok ien bonobon eo mokta jen am bar kajeoñ in kommane juon teej.
Jete joñan eo imaron idaak mokta jen aõ rupe juon kakien?
Eoktaktak, ekkar nan jekjek im enbwinnin juon armij. Loloorjak am rukruke loñim kin aeboj mokta jen am teej ñan loloorjak an labtata joñan an jejjet.
Ta eo ej kõmmane juon ruprup in kakien ilo state eo aõ?
Ilo state eo an Hawaii, aoleb melele ko laajrak rej kõmman an ruprup kakien:
- Likjab in rool ñan jikin eo rej kõmmane mejin an Smart Start ñan jejjetin joñan eo iloan 30 raan.
- Kajeoñ in jinoe wa eo waam kin joñan arkool ilo bõtõktõk ej .02% ak lablok.
- Kadeloñ joñan arkool ilo bõtõktõk ej .02 ak lablok ilo ien an bar teej in uukuuk ilo ien kattõr.
- Jab kõmmane juon bar teej in uukuuk ilo ien kattõr.
- Kakkure ak kajeoñ in ukõte kobban mejin eo.
- Jinoe wa eo ilo am jab bõke im kõtõbrak teej in uukuuk eo.
- 20 bõjrak ko rej kaju.
Ta eo enaj walok ñe inaj rupe kakien?
Emelim am rupe kakien ko lalem alen ilo juon allõñ. Ālikin am rupe kakien eo kein kolalem, kwonaj delone juon ien bonobon ej iomwin 72 awa, im kwonaj aikuj roollok nan juon jikin komman mejin an eo an Smart Startñan aer bar lale jejjet joñan bonobon. Enaj wõr bar kajjitõk ñan am kollaiki wonnen ruprp kakien. Kwõj AIKUJ karool nan jikin eo rej kõmmane mokta jen an jemlok ien bõnõbõn eo ñe ejab Mejin in Lak eo an Wa (IID) enaj bed ilo lak.
Ta melelein kajojo ruprup in kakien?
“Initial BAC” ej melelein mejin eo emõj an et bwin arkool ilo teej eo am kein kajuon. “RRTEST” ej melelein mejin eo ear et bwin arkool ilo ien eo am bar kõmmane teej in uukuuk eo ilo ien kattõr. “CIRC” ej melelein emõj an walok am kar kajeon in ukõt melele eo ilo am kar tūmi kein konnek eo kwõj jibwe ilo ien am kattõr. “Templock” ej melelein emõj an teej eo loe jidik arkool, im mejin eo am ej lak ilo jidik ien ekkar ñan joñan jemlok in bonobon ko an state eo am. “RRSkip” ej melelein ke emõj an walok am jab kõmmane teej in uukuuk eo juon kinke kwar jab kõmmane teej eo ilo ien eo emõj lewaj melele ālikin teej eo am kein kajuon. Jekdoon emõj am tõbare jikin eo kwõj jibadõk, kwõj aikuj bar teej elañe mejin eo am enaj kalikar am aikuj kõmmane.
Ewi wāween aõ lale mõttan jete aõ joñan boin in ruprup kakien?
Jibed # ki innem nomba 3 ilo ki ko an Mejin in Lak eo an Wa eo waam.
Ta eo ej kõmman "kakkure" ilo state eo an Hawaii?
Ekkar ñan Hawaii Revised Statutes (Kakien ko emõj kõkkāāl melele ko kobban an Hawaii, HRS) 29E-66: ekka, kakkure ej inoknoke Mejin in Lak eo an Wa(IID) ñe ejab camera eo ej koba ibben ñan “lale ke ebõd ak ejab jerbal.” Waan joñak in kakkure ko ekoba bõtab ejab jemlok wot ilo am kajjitok bwe juon armij en uukuuk lok nan Mejin in Lak eo ilo an jinoe wa eo ñan armij eo ej kattõr, inokinoke mejin eo ilo am tūmi bar eo boran ilo ien am kattõr im/ak ñe ejo injin eo, ak jañiji mejin eo ilo jabdewõt wāween. Kakkure emaron jemlok ejab wõt ilo am rupe kakien ko ilo burokraam in Mejin in Lak bõtab jaj im kaje ko jet ikijen ruprup kakien ko relab.
Ta melelein “SLOCK@2d” ak “SvcLock48hr”?
Melelein mennin kwõbed ilo ien bonobon eo emoj kaitoktok, im mottan 2 am raan mokta jen an mejin eo am lak. Kwõj aikuj boklok wa eo waam nan jikin eo rej kommane mejin eo ebaaktata nan kwe bwe ren bar kojejjet jonan bonobon eo mokta jen an jemlok ien lale joñan eo. Kwõmaron loe jikin eo ebaak tata ñan kwe ijin
Ta melelein “VLOCK@2d” ak “ViolLck48hr”?
Melelein mennin kwõbed ilo ien bonobon eo emoj kaitoktok ikijen ruprup kakien, im mottan 2 am raan mokta jen an mejin eo am lak. Kwõj aikuj boklok wa eo waam nan jikin eo rej kommane mejin eo ebaaktata nan kwe bwe ren bar kojejjet jonan bonobon eo mokta jen an jemlok ien lale joñan eo. Ñan lale jikin eo rej kõmmane im ebaaktata ñan kwe, jibed ijin
Ta melelein “LOCKOUT VIOL”?
Melelein mennin emoj am luuji aoleb boin ko am im emõj am le jen jonan ien eo emoj kaitoklok ñan ruprup kakien. Kwomaron kanne peba eo iomwin “Kakõlle in Jolok Lak ilo Mejin in Lak eo an Wa” ñan am boke kakolle in nan am maron boklok wa eo nan jikin komman mejin eo an Smart Start. Kwomaron bar kall ae lok (800) 831-3299 Kwoj aikuj boklok wa eo waam nan jikin eo rej kommane iloan 6 awa in an delon kakolle eo nan am maron bar kojerbale mejin eo am. Ne kwonaj likjab in boklok wa eo waam nan jikin eo rej kommane im ebaak tata nan kwe iloan 6 awa, buromoj ak kwonaj aikuj make kolla wonnen aer atake wa eo waam.
Ta melelein “LOCKOUT SRVC”?
Melelein mennin emoj am jab etal nan ien kommane mejin eo am aoleb allõñ im emõj am le jen jonan ien eo emoj kaitoklok ñan ruprup kakien. Kiõ kwoj aikuj boke juon kakolle in jolok lak an juon alen nan am boklok wa eo nan jikin eo ej kommane mejin an Smart Start. Kwomaron kanne peba eo iomwin “Kakõlle in Jolok Lak an Mejin in Lak eo an Wa” ñan am boke kakolle in nan am maron boklok wa eo nan jikin komman mejin eo an Smart Start. Kwomaron bar kall ae lok (800) 831-3299.
Ewi wāween aõ lale awa im raan eo in lale jejjetin bonobon eo aõ?
Jibed # ki, innem 1 ki ilo kein ki eo ñan an walok raan im awa eo kwonaj etal.
Ewi waween an oktak ta ko rej walok nan DUI/OVUII eo kein kajuon im kein karuo? Kein kajilu? Kein kamen?
Oktak ta ko rej walok jen DUI ak OVUII ekkar ñan wāween ko an jorrāān eo am kajojo. Ñan jejjetin ta ko rej walok jen DUI ak OVUII eo am, jouj im kaju kebaak loar eo am.
Juon IID enaj ke kune injin eo aõ ilo ien aõ kattõr?
Ejellok ien enaj. Innem, mejin ko amim ewõr juon wāween kejbarok, elañe enaj kun wa eo waam ak elāk kin jabdewõt bar wāween eo ejab ikijen IID, enaj wõr ruo am likiio in minit ñan bar jinoe wa eo waam ilo am jab kõmmane teej eo.
Mejin in Lak eo an Wa ej loe et bwin marijuana/wuno kajur ko jen mar?
Jab, bõtab kein jerbal kapeel ko an raan kein rej oktak aoleb ien. Kememej bwe am kojerbal marijuana ak jabdewot wuno ko jet rekajur remaron bar jemlok ilo juon jaj ikijen kattõr im kadek.
Etke ij aikuj komakuti mejin eo aõ?
Ñan am maron jolok Mejin in Lak eo an Wa (IID) ilo state eo an Hawaii, kwõj aikuj kolla wonnen kõmakūti.
Ak ñe elõñ juon aõ mennin aikuj, bõtab ejellok make waõ wa?
Kakien in Mejin in Lak eo an Hawaii ej aikuj am kõlāk Mejin in Lak eo an Wa (IID) emõj kõmelim ilo jabdewot wa eo kwõmaron im kwonaj kattõre. Ej aikuj bar wõr am peba in Kõmelim Mejin in Lak eo an Wa (IIP), im juon ID an state eo an Hawaii emõj kamool. Jouj im boktok juon leta in kõmelim jen oner eo emoj kadelon etan ilo peba ko an wa eo kwoj baro ej kalikar ke ewor am melim in kõlāke IID eo. Smart Start ekut an kõlāk lak ilo wa ko rej baro, innem mennin eban juon jorrāān ilo jabdewõt jikin ko amim rej kõmmane mejin ko.
Ij ke aikuji juon mejin ilo aoleb wa ko waõ?
Ñan an melim wõt am kattõr kin juon laijen eo emõj kabõjrak, kwõnaj aikuj kõmelim ñan an kõlāk juon Ignition Interlock Device (Mejin in Lak eo an Wa, IID) ilo aoleb wa ko kwõj kattõre ekoba an wõr juon peba in Kõmelim Mejin in Lak eo an Wa (IIP) emõj kamool im juon ID in state eo an Hawaii emõj kamool. Kwõmaron loe kaje ko kin ruprup kakien ko relab elañe renaj jibwe am kattõr ilo ien kabõjrak laijen eo am ilo an ejellok am peba kein ijin lõñ. Jouj im katak kin aoleben kakien ko an Mejin in Lak eo an Wa ilo Hawaii.
Ta eo ij aikuj kõmmane ñan make kõnaan kõlāke mejin eo?
Ñan kõlāk Mejin in Lak eo an Wa ilo wa eo waam ak wa eo waan juon uwaan baamle eo am ilo am make kõnaan (im ejab kin an kar bõjrak laijen), kanne peba eo amim online ñe ejab kall ae lok (800) 831-3299 ñan am kenono ibben juon ian rijerbal ro amim rej lelok melele in rõjañ ñan customer. Kim naj jiban kwe ilo ien eo kwonaj itok in kõlāke mejin eo am ilo raan im awa eo emmontata nan kwe.
Ewi wāween aõ maron kolla wonnen lale jejjetin joñan bonobon?
Kwomaron kolla wonnen aer lale jejjetin jonan bonobon ilo jikin eo rej kommane mejin ilo ien eo emoj karoke am etal ilo am naj kolla wonnen kin jāān, Visa, ak MasterCard. Smart Start eo an Hawaii ejab ebõk jek einwõt wāween kolla eo ejimwe.
